A rôh tơpui phôn, péa pâ tối phiu ro ‘na tơrŭm cheăng kân rơdêi, tơdroăng tơrŭm ki tơviah ƀă tơrŭm tŭm têk pơla Việt Nam – Lếo rế hía rế mot trâu hơngế, pro pơxúa ăm kuăn pơlê péa tơnêi têa; mơnhên tối khât tơrŭm cheăng krá tơniăn, tơƀrê pơla péa Khu xiâm tơpui kâ tung pơla hdrối nah.

‘Na tơmiât pêi tung la ngiâ, péa pâ hiăng môi tuăn pơtối hbrâ rơnáu ăm rôh trâm kăn xiâm pơkuâ pái pâ Việt Nam – Lếo – Kul, Hneăng hôp rôh má 47 Vi ƀan tơrŭm Chin phuh péa tơnêi têa ƀă tí tăng ‘nâi plĕng tơdroăng kal kí ăm Khu xiâm tơpui kâ Việt Nam – Lếo rôh má 11.

Pôa Bùi Thanh Sơn, Ngế pro xiâm, ngế xiâm tơpui kâ pơkâ thế péa pâ pơtối tơrŭm krá ƀă môi tuăn gum dêi rơpó a mâu rôh hôp kong têa ê ƀă tung kơpong; thăm mơdêk tối ăm dêi rơpó túa tơmiât ‘na mâu tơdroăng a kong têa ê ƀă tung kơpong ki péa pâ rơtế vâ ‘nâi.