Tơbleăng a rôh pêi cheăng, pôa Lương Cường - Kăn xiâm hnê ngăn tơnêi têa khĕn kơdeăn Khu cheăng tung Tíu xiâm hiăng tơrŭm krá ƀă mâu kơ koan tăng ‘nâi plĕng pro klêi hlá mơ-éa pơkâ pơtroh ăm Khu xiâm séa ngăn hlối pơkâ; pakĭng mê, pơkâ thế pơtối hbrâ tơrŭm, tăng ‘nâi plĕng, hbrâ tro tơdroăng a rôh hôp ki apoăng dêi khu hnê mơhno pêi cheăng ƀă Kơ koan dêi khu hnê mơhno ‘mâi hơ’lêh cheăng ‘na Luât xiâm Tơnêi têa klêi Khu xiâm kal kí ai pơkâ ‘mâi hơ’lêh tâi tâng Khu hnê mơhno.

Kăn xiâm hnê ngăn tơnêi têa pơkâ thế Khu cheăng tung Tíu xiâm tơnêi têa tơkŭm tăng ‘nâi plĕng mơjiâng tơdroăng ki kal tung tơdroăng cheăng troh tâi hneăng, kum Khu hnê mơhno pơkuâ, hnê mơhno tơdroăng vâ pơhlêh, luât cheăng, troăng rơhlâ ‘na ‘mâi hơ’lêh luât tiô pơkâ ‘na pơtối mơjiâng ƀă pê klêi Tơnêi yêa ƀă tro tiô luât xah hô̆i chuh ngiah Việt Nam  tung mâu hơnăm la ngiâ.