A Leh pơ-ôu ngế ki hên xôh pleăng mơheăm hơnăm 2024, Khu Hnê mơhno mơhnhôk pleăng mơheăm kong pơlê Kon Tum hiăng ô eăng 349 ngế krê, rơpŏng hngêi, khu pú hên ki hên xôh pleăng.

Ƀă tơdroăng “Pleăng mơheăm tŏng pơlât ăm mơngế - Môi tơdroăng pêi ki lĕm”, tơdroăng pleăng mơheăm a kong pơlê Kon Tum tung mâu hơnăm a chê kố hiăng hlo pêi pro tơkâ luâ tơdroăng pơkâ ‘na tơdrong mơheăm ki châ tơdah xo ƀă kơxô̆ ngế pleăng mơheăm veăng lăm pleăng.

Ing hơnăm 2023 troh nôkố tung lâp kong pơlê hiăng po 57 rôh pleăng mơheăm, tơdah xo châ vâ chê 9.800 tơdrong mơheăm tơkâ luâ tơdroăng pơcháu.