Cho Tíu xiâm pêi cheăng pro hlá mơ-éa- cheăng kâ- ôm hyô dêi lâp kơpong peăng mâ hâi Lo kong pơlê Dak Lak, Tuy Hòa ôh tá xê to  tơngah ‘na môi kơphô̆ rơkê tiô túa  mơjiâng pro, mê ối cho tíu ki mơnúa  ngăn hôm mơ-eăm tơkŭm po, rak ngăn ƀă tơdjêp tung pơla mâu kăn péa râ rôh apoăng pơxiâm pêi cheăng.

Hneăng  hôp  Đảng ƀô̆ bêng hneăng hơnăm 2025-2030 tối nhên kô mơjiâng kong pơlê chiâng kơphô ôm hyô rơkê tiô túa, xiâm ki xing xoăng ‘na cheăng kâ - mơdró- pơ’lêh kơxô̆ peăng mâ hâi Lo kong pơlê Dak Lak;  riên rêm ngế kuăn pơlê pê lo liăn châ 145 rơtuh liăn a hơnăm  2030. Hneăng hôp xuân pơkâ 12 khu ƀă troăng hơkâ ki kal. Tơbleăng hnê mơhno a hneăng hôp, jâ Cao Thị Hòa An, Phŏ kăn hnê ngăn đảng dêi Tỉnh ủy pơkâ thế bêng Tuy Hòa thế djâ troăng ahdrối tung túa pêi cheăng mâu kăn péa râ tuăn tơmiêt mơnhông kơphô̆ rơkê lĕm.