Pái khế apoăng hơnăm 2024 liăn ngân xo ăm Tơnêi têa dêi kong pơlê Kon Tum dâng 380 rơtal liăn, bú châ 18% tiô tối hdrối dêi kong pơlê pơcháu, hâi châ tơniăn tro tiô pơkâ. Tung pái khế apoăng hơnăm Kon Tum bú tơ’mot 2 tơdroăng tơkêa bro ‘no liăn cheăng tâi tâng kơxô̆ liăn chêh tơhrâ cheăng 56 rơtal liăn.

Hneăng hôp Khu kăn Đảng ƀô̆ kong pơlê Kon Tum tơkŭm tơpui tối tơdroăng ki hiăng châ pêi pro, ki hâi pêi, ki tơvâ tơvân tung pêi cheăng kâ - rêh ối, cheăng lêng, kring tơniăn, mơjiâng Đảng, tơdroăng kal kí pái khế apoăng hơnăm. Tối nhên ki xiâm, malối ki xiâm tơngôu ôh tá rĕng tơmâng; ‘nâi nhên hnoăng cheăng pêi dêi tơrêm ngế kăn pơkuâ hnê ngăn Đảng kong pơlê, ngế ki ối ako ƀă khu pú hên dêi mâu kơ koan, tíu pêi cheăng, cheăm, tơring ƀă mâu tơdroăng ki pá, ki ôh tá tro hlối tối tơdroăng cheăng pêi ki kal, troăng rơhlâ vâ tơkâ luâ xơpá.