Hneăng hôp xua pôa Nguyễn Chí Dũng, Ngế xiâm pơkâ túa cheăng ƀă mơ’no liăn cheăng Việt Nam ƀă Ngế xiâm pơkuâ tê mơdró ƀă Ôm hyô kong têa Australia - pôa Don Farrell rơtế pơkuâ. A hneăng hôp, Ngế xiâm péa pâ hiăng tơpui tơno mâu troăng thăm mơnhông mơdêk ó rơdêi tơrŭm cheăng kâ Việt Nam – Australia, tơdrêng amê mơnhên tơdroăng pêi pro troăng pêi ton xŏn Thăm tơrŭm cheăng kâ ƀă tơdroăng châ tơƀrê roh hôp mâu khu pêi cheăng ‘na ODA, FDI ƀă tê mơdró.

Tơdrêng amê, tơmâng mâu rơkong tơpui tối, pơkâ thế dêi khu tê mơdró djâ troăng ahdrối Việt Nam ƀă Australia vâ thăm pêi pro rơdêi tơdroăng tê mơdró mơnhông mơdêk krá tơniăn. Pakĭng mê, péa pâ hiăng tơpui tơno ‘na tơrŭm cheăng pơla péa tơnêi têa tung mâu hneăng hôp tơpui tơno hên pâ ƀă kơpong môi tiah ASEAN, APEC, WTO, RCEP, CPTPP. Hneăng hôp hiăng po mâu troăng mơnhông mơdêk nếo ăm tơrŭm cheăng kâ Việt Nam – Australia.