Tơpui a rôh pơxiâm po hôp, Ngế pro xiâm phŏ hnê ngăn Chin phuh, Kăn xiâm hnê ngăn Hô̆i đong xing xoăng kơpong Tây Nguyên Trần Lưu Quang tối nhên: Vâ mơnhông krá tơniăn Tây Nguyên tiô tro pơkâ pêi, pơkâ thế Pơkâ kơxô̆ 23 dêi Khu xiâm pơkuâ tơdroăng kal kí mơ’no, Ngế pro xiâm hnê ngăn Chin phuh hiăng pơkâ tơdroăng tơkêa Mơnhông cheăng kâ rêh ối pơlê pơla tro ƀă rak vế gâk kring, pơlê pơla cheăm bêng Tây Nguyên.

Rôh hôp rôh kố tơpui mâu troăng vâ rĕng pêi pro hơ’lêh mâu tơdroăng ki kal dêi tơdroăng tơkêa. Tơdrêng amê hlối pơkuâ po rôh hôp, Đăi tươ̆ng Tô Lâm, Ngế cheăng tung Khu xiâm pơkuâ tơdroăng kal kí, Ngế xiâm ngăn Kŏng an loi tiah kố, Đảng ƀô̆, khu kăn pơkuâ, khu lêng kring vế tơniăn ƀă kuăn pơlê mâu kong pơlê kơpong Tây Nguyên, kô tơkâ luâ mâu tơdroăng xơpá, pơloăng mơnúa, pêi pro ƀlêi trâng hnoăng cheăng mơnhông cheăng kâ rêh ối pơlê pơla, rak vế gâk kring, pơlê pơla cheăm bêng, rĕng ăm Tây Nguyên mơnhông tơƀrê tŭm têk ƀă krá ton.