3 ngế ki châ kơdeăn khĕn mê cho ngoh Đặng Bá Thương (31 hơnăm, pơlê a Thanh Hóa, ối a troăng Đào Duy Từ, bêng 4, Pơlê kong kơdrâm Đà Lạt), pôa Lương Khánh (49 hơnăm, hngêi ối a troăng Nhà Chung, bêng 3, Pơlê kong kơdrâm Đà Lạt) ƀă o Võ Quỳnh Thư, hok tro lâm 7A12 hngêi Trung râ má péa Nguyễn Du, Pơlê kong kơdrâm Đà Lạt.

Tiah mê, kơxo lơ 20/2, dế prôk a troăng Hai Bà Trưng (bêng 6, Pơlê kong kơdrâm Đà Lạt), o Võ Quỳnh Thư tôm xo môi to phôn râng kŏng iPhone 14 Plus kơnâ 18 rơtuh. Klêi mê, Thư lăm troh pơcháu nâp ăm kơ koan Kŏng an bêng 6 vâ kơnôm tăng ƀă mơdrếo ăm ngế ki tro klêh.

Klêi kơ’nâi mơnhên, Kŏng an bêng 6 hiăng tăng ngế ki klêh phôn râng kŏng mê, tơdrêng amê hlối châ hlo tơdroăng ki Thư mơdrếo ăm a kŏng ăm ngế ki klêh phôn râng kŏng mê cho môi ngế môi kơdrâi a pơlê kong kân Hồ Chí Minh. Hdrối mê, kơxê lơ 13/2, drêng prôk a troăng Trần Phú (bêng 3, pơlê kong kơdrâm Đà Lạt), ngoh Đặng Bá rơtế ƀă pôa Lương Khánh hlo môi to kơtĕp liăn. Tung dế ai 2 hlá mơ-éa chêh inâi rơxế ƀă vâ chê 11 rơtuh liăn mâ.

Ngoh Thương prế Khánh hiăng tơpui, pơcháu nâp kơtĕp bă liăn mâ, mơ-éa mê ăm Kŏng an bêng 3. Klêi mê, kơ koan kŏng an hiăng mơnhên ngế ki ki klêh ƀă hiăng mơdrếo ăm ngế ki tro klêh mê cho pôa Nguyễn Lê Trãi, tơmối ôm hyô a pơlê kong pơlê Khánh Hòa.