A Pơkâ kơxô̆ 1132-QĐNS/TW, hâi 2/2/2024, Khu pơkuâ ngăn tíu xiâm Đảng hnê mơhno Đăi tă Nguyễn Thanh Liêm, Kăn pơkuâ Kŏng an kong pơlê veăng tung Khu pơkuâ ngăn Đảng ƀô̆ kong pơlê, Khu pơkuâ ngăn Đảng Dak Nông pơla hơnăm 2020 – 2025. Hdrối mê, khế 12/2023, Ngế xiâm pơkuâ ngăn Kŏng an hiăng pơtroh, pôk Đăi tă Nguyễn Thanh Liêm, kăn phŏ pơkuâ Kŏng an kong pơlê Hà Tĩnh pro kăn pơkuâ Kŏng an kong pơlê Dak Nông.

Khu pơkuâ hnê ngăn Đảng Dak Nông pơkâ thế ‘mot tơ’nôm ngế cheăng tung khu pơkuâ, Khu pơkuâ ngăn Đảng ƀô̆ Kŏng an kong pơlê ƀă pro kăn pơkuâ ngăn Đảng ủy Kŏng an kong pơlê pơla hơnăm 2020 – 2025 ƀă Đăi tă Nguyễn Thanh Liêm, Kăn pơkuâ ngăn Kŏng an kong pơlê Dak Nông.

Đăi tă Nguyễn Thanh Liêm (Kot mâ hơnăm 1975, pơlê xiâm Hà Tĩnh), hdrối nah cho kăn pơkuâ Kŏng an pơlê kong krâm Hồng Lĩnh, kăn pơkuâ Séa ngăn Kŏng an kong pơlê, kăn phŏ pơkuâ Kŏng an kong pơlê Hà Tĩnh, troh khế 12/2023 châ pơtroh, pôk pro kăn pơkuâ Kŏng an kong pơlê Dak Nông.