Dak Lak: 120 to kế tơmeăm bro, xoăng tơdroăng cheăng rơtế prôk ƀă vâi kơdrâi, vâi hdrêng kơtiê
Thứ bảy, 06:00, 02/03/2024
Tơplôu: Katarina Nga/VOV Tây Nguyên
Tơplôu: Katarina Nga/VOV Tây Nguyên
VOV4.Xơ Đăng - Tơ’noăng pêi pro iâ hlái cho 120 to kế tơmeăm, xoăng cheăng, tơdroăng cheăng rơtế prôk ƀă vâi kơdrâi, ƀă vâi hdrêng kơtiê ai tơdroăng rêh ối xơpá cho môi tung mâu tơdroăng ki kal châ vâi kơdrâi Dak Lak tơbleăng a kơxo lơ 1/3 a tơdroăng Leh tơbleăng Hơnăm tơ’noăng ƀă rôh tơ’noăng koh hâk tơbâ 120 hơnăm mơjiâng kong pơlê.
Rôh tơ’noăng “120 to kế tơmeăm xoăng tơdroăng cheăng rơtế prôk ƀă vâi kơdrâi, vâi hdrêng kơtiê ai tơdroăng rêh ối xơpá” tơkŭm tung mâu tơdroăng cheăng tŏng kum ‘na kơxô̆ liăn, hnê cheăng pêi, tăng cheăng pê ăm vâi kơdrâi.
A leh tơbleăng a kơxo hâi lơ 1/3, Khu ngăn vâi kơdrâi kong pơlê Dak Lak xuân hiăng tơkŭm po prôk pơtăng a troăng “Măng tĭng xâp ếo xŏn”. Tiah mê, ing nôkố troh tâi hâi lơ 8/3 la ngiâ, mơhnhôk kăn ƀô̆ hô̆i rêm râ ƀă kăn ƀô̆ tung khu pơkuâ tơdroăng kal kí xâp ếo xŏn drêng lăm pêi cheăng, veăng hôp a rôh ƀă hên a tơdroăng po ki ê. Ing mê, pro chiâng tơdjâk tung pơla pơla ƀă pơxiâm pro hlê plĕng rak vế, mơnhông ki kơnía dêi ếo xŏn – Tơmeăm túa lĕm tro Việt Nam.
Viết bình luận