Tiô pơkâ hâi lơ 4/11/2023 dêi Ngế pro xiâm hnê ngăn Chin phuh, cheăm Nam Ka, tơring Lăk cho môi tung 4 cheăm dêi kong pơlê Dak Lak châ mơnhên cho cheăm tơniăn dêi kơpong tơnêi têa tung rơxông tơplâ xâ Pơhlăng ƀă tơtrâ Mih. Rơtế amê ối ai 3 cheăm ki ê, mê cho: Cheăm Ea Hiao, tơring Ea Hleo; cheăm Čư Pui, tơring Krông Bông ƀă cheăm Dliê Ya, tơring Krông Năng.

Ƀă châ gâk tâ tá mâu kong kân rơdâ, cheăm Nam Ka hiăng chiâng tíu rak ngăn ăm khu lêng kăch măng, cho đông kăch măng ai tíu pêi cheăng ton xŏn ki kal tung 2 roh tơplâ xâ dêi hdroâng mơngế.

A roh leh, Khu tơkŭm po hiăng diâp 23 hnoăng kơxuô tơmeăm diâp ăm mâu ngế ki veăng tung tơplâ xâ nah, pêi cheăng tung cheăm; mâu rơpŏng mô đô̆i rong râ, mô đô̆i hlâ tung tơplâ xâ, ngế ai hnoăng ƀă kăch măng ƀă rơpŏng păn kơtôa mâu kăn pơkuâ tung rơxông tơplâ xâ nah.