Tiah mê, mâu khu râ kơvâ cheăng, cheăm tơring ƀă ngế ki pơkuâ kong  a kong pơlê Dak Lak pơtối thăm mơdêk hnoăng cheăng hnê tối, mơdêk ki hlê plĕng, tơdroăng ki pêi pro kơtăng luât ƀă kăn ƀô̆, mâu ngế cheăng ƀă kuăn pơlê ‘na hnoăng cheăng pơkuâ ngăn, rak ngăn kong, hbrâ mơdât on chếo kong.

Hbrâ rơnáu mâu túa pơkâ hbrâ mơdât on chếo kong tro ƀă tơdroăng ki ai khât a kong pơlê; teăm châ hlo tơpâ vâ pôi tá ăm on châ chếo lân troh hên tíu ƀă hên tơdroăng ki ê. Malối a mâu tơring môi tiah Ea Hleo, Ea Súp, Ea Kar, Ƀuôn Đôn hên ƀăng tơnêi dế mơno kô tơ’lêi tro on chếo a râ má 4, má 5 râ ki rơ-iêo ó khât.

Khu ngăn loăng pơlái hiăng tơrŭm ƀă mâu tơring cheăm, ngế ki pơkuâ kong ƀă kuăn pơlê ki rêh ối a chê kong thăm hnê tối hbrâ kơchăng tung tơdroăng ki hbrâ mơdât on chếo kong.