Kố cho môi tung mâu tơdroăng cheăng pêi ối tung tơdroăng hbru tơmeăm Têt hơ-ui Hơngui Giáp Thìn. A rôh po tơdroăng kố, khu tơkŭm po hiăng hbru 100 kơxuô tơmeăm, rêm kơxuô kơnâ 500 rơpâu liăn (tung mê ai 200 rơpâu liăn mâ ƀă mâu kế tơmeăm ki ê). Jâ Ayun H’Hương, Kăn hnê ngăn Khu lo tŏng veăng kong pơlê Dak Lak ăm ‘nâi: tơdroăng kố hiăng châ tơdroăng ki tơmâng ngăn tŏng kum, pêi pro kơhnâ dêi mâu khu tơrŭm, khu pú hên, mâu tíu pêi cheăng tê mơdró tung kong pơlê ƀă ing kong pơlê ki ê.

Troh nôkố, hiăng mơhnhôk tơlo châ lối 2.600 rơpâu kơxuô tơmeăm ƀă tâi tâng kơvâ vâ chê 1,3 rơtal liăn. Tơdroăng kố kô pơtối pêi pro troh tâi hâi lơ 4/2 la ngiâ vâ tơdjâk tơdroăng ki hơniâp ro Têt troh ƀă rêm ngế kuăn pơlê, malối cho mâu ngế ki xơpá tung pơlê pơla.