Dak Lak hên tíu mơ’no têa krúa mơjiâng pro a mâu thôn pơlê hiăng pơtê xúa, pro kuăn pơlê trâm pá
Thứ năm, 14:58, 28/03/2024
Tơplôu: Gương/VOV Tây Nguyên
Tơplôu: Gương/VOV Tây Nguyên
VOV4.Xơ Đăng - Tung kơxô̆ 128 tíu mơ’no têa krúa a thôn pơlê ki tơkŭm mơjiâng pro a kong pơlê Dak Lak, ai troh 52 tíu mơ̆no hneăng krúa ki hiăng tơ’nhiê kuăn pơlê pơtê hnêng têa ƀă chât tíu mơ’no têa krúa ki ê ai drêng châ hnêng drêng ôh. Ôh tá ai liăn vâ ’mâi rơnêu, mơdêk pro lĕm hiăng tơdjâk kân troh tơdroăng mơ’no têa krúa ăm kuăn pơlê xúa vâ ôu kâ hum roh, malối tung rơnó tô mơdrăng ó môi tiah nôkố.
Mâu tíu mơ’no têa krúa a thôn pơlê ki hiăng pơtê xua mê cho a mâu tơring Ea Súp, Ƀuôn Đôn, Ea Kar, Lăk, Cư Mgar, pơlê kong kơdrâm Ƀuôn Ma Thuột. Pakĭng mê, hên tíu mơ’no têa krúa bú ăm kuăn pơlê châ hnêng têa sap ing 20% troh 50% têa tê.
Pôa Phạm Ngọc Bình, Ngế pơkuâ Tíu xiâm mơ’no têa krúa ƀă Mơgrúa lĕm hyôh kong prâi Dak Lak ăm ‘nâi, mâu tíu mơ’no têa krúa hiăng tơ’nhiê, oh tá châ hnêng têa, tíu mơ’no têa ki ‘nâ châ hnêng la bú iâ, xuân to mâu tíu mơ’no têa ki châ mơjiâng pro ing hên hơnăm hdrối, mơjiâng pro krâ kơvâ ƀă kŭn, châ pơcháu ăm khu rak ngăn mâu thôn pơlê mê rak ngăn mơ’no têa la ôh tá hlo tơƀrê klâi.
Viết bình luận