Hơnăm hiăng hluâ, Mâu đông gâk tơkăng kong, tíu cheăng hnê mơhno cheăng lêng kong pơlê Dak Lak hiăng tŏng kum 40 ngế hok tro ai tơdroăng rêh ối pá puât tung tơdroăng pêi “Kum o troh hngêi trung” ƀă “Kuăn roăng đông Mô đô̆i gâk tơkăng kong’’; tơkŭm po kum kuăn pơlê 8.360 hâi pêi cheăng; mơjiâng 86 toăng hngêi rŭm môi tuăn kơnâ 8,6 rơtal liăn.

Pôa Võ Văn Cảnh – Kăn phŏ hnê ngăn Vi ƀan kong pơlê Dak Lak mơnhên, kheăn kơdeăn khu mô đô̆i gâk tơkăng kong, kuăn pơlê a kơpong tơkăng kong, mâu ngế krê, khu tơrŭm cheăng hiăng châ tơƀrê veăng mơjiâng kơpong tơkăng kong krá tơniăn ó rơdêi hneăng hơnăm 2019 – 2024. Mơnhông mâu tơdroăng châ tơƀrê, pôa Võ Văn Cảnh tối nhên mâu hnoăng cheăng ki xiâm tung tơdroăng gâk tơkăng kong, tung la ngiâ.