Kố cho rôh hbrâ ki kal vâ rak tơniăn má mơ’nui a hâi lơ  31/8 tiô tối mơgêi 183 dêi Khu xiâm Kal kí. Troh nôkố, Dak Lak hiăng  hiăng ăm liăn tiô pơkâ ăm 709/2.608 ngế châ kâ liăn tiô Pơkâ 178, ƀă tâi tâng kơxô̆ liăn lối 704 rơtal liăn. Kơxô̆ ki u ối 1.899 ngế, kal lối 2.164 rơtal liăn vâ ăm.

Khu xiâm rak liăn ngân kong pơlê Dak Lak  ăm ‘nâi, liăn hiăng châ tíu xiâm tơnêi têa tơ’nôm ăm tiô pơkâ châ lối 626 rơtal liăn, liăn ngân kong pơlê ăm 159 rơtal liăn, ối kal ai lối 1.343 rơtal liăn nếo dế pâ Tíu xiâm Tơnêi têa ăm tơ’nôm. Jâ Hồ Thị Nguyên Thảo, Phŏ Kăn hnê ngăn Vi ƀan kong pơlê Dak Lak pâ thế mâu tíu pêi cheăng, kơvâ cheăng, kong pơlê séa ngăn, tơ’nôm hồ sơ, rak tơniăn mơnhên ƀă tơkŭm teăm vâ Khu xiâm ngăn liăn tơ’nôm kơxô̆ liăn, ăm tŭm kơ mâu kăn ƀô̆, mơngế pơkuâ, ƀă mơngế pei cheăng ki pơtê tro tiô pơkâ.