Tung pơla achê kố, kong pơlê Dak Lak hiăng ƀă dế tơbleăng mâu tơdroăng vâ mơdêk kơxô̆ kuăn pơlê xúa tơdroăng pro hlá mơéa, tơdroăng ki ê ing troăng hyôh internet. Kố châ ngăn cho tơdroăng ki kal, ki xiâm vâ hơ’lêh tơdroăng ki mơ’no liăn, mơdêk rĕng hnoăng cheăng mơjiâng khu kăn pơkuâ kơxô̆, cheăng kâ kơxô̆, pơlê pơla kơxô̆ a kong pơlê.

Kong pơlê Dak Lak nôkố ai 1.590 khu kơxop hlá mơéa, tung mê, ai 649 hlá mơ-éa ki pơkâ tơleăng ing troăng hyôh internet tung lâp kong pơlê (châ 40%). Hơnăm 2022, troăng Cổng dịch vụ công kong pơlê hiăng tơdah xo, pơkâ tơleăng lối 1.256 rơpâu hồ sơ hlá mơ-éa tiô troăng pơkâ Mô tíu điê̆n tưh tơdjêp ‘na tơdroăng pơkâ tơleăng mâu hlá mơ-éa tro hâi khế châ 95,99%.Laga, kơxô̆ hlá mơ-éa hồ sơ pơtroh a tơdroăng pơkâ xo ing troăng hyôh internet tá hâi hên xua kuăn pơlê, khu mơdró kâ xuân ối rak vế hmâ troh tơdrêng a kơ koan chêh pro hlá mơéa.

Vâ mơdêk tơƀrê hơ’lêh chêh pro mâu hlá mơéa, mâu cheăm, tơring tung kong pơlê dế mơdêk rơdêi hnê tối ‘na ki pơxúa dêi tíu pơkâ tơleăng ing troăng hyôh internet ăm kăn ƀô̆, kong chưk ƀă kuăn pơlê.