Ƀă tơdroăng pơxá “Púi vâ mơjiâng kong pơlê Dak Lak kro mơdrŏng lĕm, rơkê plĕng, rak túa lĕm tro’’, rôh tơ’noăng ki kân vâ koh tơbâ 120 hơnăm mơjiâng kong pơlê tơkŭm a mâu tơdroăng ki hên cho: Mơ-eăm pê klêi tŭm tơdroăng ƀă pêi luâ tơdroăng pơcháu, tơdroăng cheăng pêi tiô pơkâ hneăng hôp kân Đảng ƀô̆ kong pơlê roh má 17 ƀă mâu tơdroăng cheăng pêi  dêi khu kăn Đảng kong pơlê, Vi ƀan hnê ngăn kong pơlê pơcháu; pơtối mơhnhôk rĕng mơjiâng pro mâu tơmeăm khoăng, tơdroăng tơkêa bro ki xiâm, mâu tơdroăng pơkâ dêi tơnêi têa.

Um: Khu kăn kong pơlê ƀă kăn teăng mâ Khu tơrŭm cheăng tơkŭm tiê nút pơxiâm  tơ’noăng tăng ‘nâi plĕng tơdroăng ton nah tung 120 hơnăm mơjiâng, mơnhông tơƀrê  kong pơlê Dak Lak

Ing mê, tơkŭm pêi tơƀrê mâu tơdroăng tơ’noăng vâ pê klêi ƀă pêi luâ tơdroăng pơcháu, tơdroăng cheăng châ pơchaú pêi hơnăm 2024; rơtế ƀă hriâm tâp ƀă pêi pro tiô tuăn mơno, túa pêi cheăngHồ Chí Minh; ai pơkâ mơjiâng kơ koan, tíu pêi cheăng, tơring cheămh mơnhông rơdêi rơtế ƀă pêi tơdroăng hbrâ mơdât kâ kơluâ ƀă ‘mâi rơnêu Đảng .