Hâi lơ 12/4, Vi ƀan tơring M’Drak, kong pơlê Dak Lak tơkŭm po hôp khu chêh hlá tơbeăng pơtối pơklât tiô luât xo tơvêh tơnêi, xĕn kuăn pơlê lo ing long têa Krông Păč Thượng. Tiô tơbleăng dêi Vi ƀan tơring M’Drak, long têa Krông Păč Thượng hiăng tât troăng têa a mơ’nui khế 3/2023. Laga, troh nôkố bu nếo ai dâng 450 rơpŏng tung tâi tâng kơxô̆ lối 700 rơpŏng tung kơpong long têa dêi tơdroăng tơkêa bro xĕn troh tíu ối nếo kơxô̆ 1 ƀă kơxô̆ 2 a tơring Ea Kar.

Tung kơxô̆ 250 tá hâi xĕn, ai 28 rơpŏng ối a ‘ngêi long têa 483 met dêi long hdoăng têa, kô trâm rơ-iô tâng ai kong mêi têa kân lân lu, mơni tro têa tung long têa đik, lân lu kân ó. Mâu rơpŏng kố ki tro cho hiăng pơklât thế xĕn ối tíu ê hdrối hâi lơ 30/32023, ối tung roh 1, hneăng má 2 dêi tơdroăng pơklât xĕn ối tiú ê vâ xo tơvêh tơnêi ƀă mâu rơpŏng ôh tá pêi tiô pơkâ xo tơvêh tơnêi vâ mơjiâng pro long rơchôa têa.

Rơtế ƀă pro kơtăng pơklât xĕn 28 rơpŏng ki ối a tíu a’ngêi pá kơdâm long têa 483 met, Vi ƀan tơring M’Drak kô thăm mơhnhôk, pơtâng tối vâ xĕn tâi tâng mâu rơpŏng ki u ối tung long têa.