Dak Lak: Thăm mơdêk rak vế troăng tơkăng kong tung rôh hdrối, tung ƀă klêi kơ’nâi Têt Lo hơnăm nếo Giáp Thìn 2024
Thứ sáu, 10:57, 02/02/2024
Tơplôu: Katarina Nga
Tơplôu: Katarina Nga
VOV4.Xơ Đăng - Ối lối 1 măng tĭng ‘nôi cho troh Têt Lo hơnăm nếo Giáp Thìn, Khu Mố đô̆i gâk tơkăng kong Dak Lak hiăng ƀă dế hnê mơhno mâu đông mố đô̆i gâk tơkăng kong, Tiêuh đoân Hnê hriâm – Kơ đô̆ng pơtroh khu lêng ƀă túa pơkâ hbrâ rơnáu tơplâ rak vế hnoăng pơkuâ gâk kring tơkăng kong tơnêi têa, mơdât mâu tơdroăng ki mot lo ôh tá tro luât ƀă plâ mơdât mâu khu ki pro xôi tíu tơkăng kong vâ Kuăn pơlê ro Hơngui tơdah Têt.
Kong pơlê Dak Lak ai troăng tơkăng kong xŏn lối 71 km ối tung péa to tơring tơkăng kong Ea Súp ƀă Ƀuôn Đôn, tơkoh ƀă kong pơlê Mondulkri, kong têa Kul.
Drêng kố, mâu tíu pêi cheăng mố đô̆i gâk tơkăng kong mơdêk tơdroăng ki séa ngăn, mơjiâng tơ’nôm mâu túa pơkâ, hnê hriâm mâu túa ki tơplâ mơdât; thăm mơdêk lăm pơtrui ngăn, a tíu tơkăng kong, malối cho mâu kơpong mơni kô ai tơdroăng cheăng pro xôi túa pơkâ tơkăng kong; mơdât tơdroăng mot lo ôh tá tro luât, tơdroăng cheăng pêi pro dêi mâu khu ki pro xôi.
Viết bình luận