A khế 1/2024, Vi ƀan kong pơlê Dak Nông hiăng ai pơkâ kơxô̆ 54 kĭ inâi 17 tơdroăng tơkêa bro mơhnhôk mơ’no liăn cheăng ƀă tâi tâng kơxô̆ liăn lối 3.000 rơtal liăn, pơrá ối tung mâu kơvâ ki chiâng pêi pro, ki tơ’lêi hlâu dêi Dak Nông.

Vi ƀan kong pơlê Dak Nông hiăng hnê mơhno mâu khu cheăng, kơvâ cheăng, tơring ki tơdjâk séa ngăn ƀă pêi kêi đeăng luât, vâ mơhnhôk mơ’no liăn cheăng 44 tơdroăng tơkêa bro tung hneăng pơtối, ƀă tâi tâng kơxô̆ liăn mơ’no cheăng tiô tối hdrối lối 290 rơpâu rơtal liăn, ki hên ối tung kơvâ kơmăi kơmok, môi tiah chiâ – mơjiâng pro bauxite –alumin – nhôm, on tơhrik ki vêh pro...

Kong pơlê xuân dế tơkŭm po mâu khu pêi cheăng mơhnhôk mơ’no liăn cheăng a hên kong pơlê tung lâp tơnêi têa xuân môi tiah mâu kong têa môi tiah Ấn Độ, Sinuâ, Hàn Quốc, Nhuk ƀă hía hé. Vi ƀan kong pơlê Dak Nông mơjiâng Tôh pêi cheăng ki má môi vâ teăm mơhnhôk tơleăng tơdrêng mâu tơdroăng pá puât, tơvâ tơvân dêi khu tê mơdró, khu mơ’no liăn cheăng.