Apoăng rơnó mêi hơnăm kố, a kong pơlê Dak Nông hiăng ai mâu roh kong mêi xon xŏn pro tơ’lêi têa rơlêa, tơhnah tơhnâp tơnêi a mâu kơpong thông ‘nâng ‘nâi. Hbrâ ví kong prâi pro ôh tá tơniăn, Vi ƀan kong pơlê Dak Nông hiăng hnê mơhno mâu khu cheăng, kơvâ cheăng, kong pơlê séa ngăn, tơ’nôm mâu troăng tah lôi mâu tơdroăng ki trâm xía vâ, ki rơhêng vâ tối cho a mâu tíu tơ’lêi têa lân lu, tơhnah, tơhnâp tơnêi ƀă hía hé.
Mâu tơring kơdroh roh hôp ƀă tơdroăng pêi pro hôp mơ’no tơdrêng tung um tiô troăng hyôh măng troh mâu râ cheăm, thăm pơtâng tối mơdêk hlê plĕng hbrâ ví kong prâi pro ôh tá tơniăn troh rêm ngế kuăn pơlê ôh tá tơngôu drêng kong mêi têa lân lu. Khu pơkuâ mâu rơchôa têa, kơ koan pơkuâ pêi chiâk deăng ƀă mâu tơring séa ngăn mơnhên vâ thăm rơnêu ƀă hbrâ mâu troăng pêi 4 tơdrêng, ôh tá ăm ai tơdroăng ki kơdrâ ôh tá ƀĕng ê.
Viết bình luận