Sap apoăng hơnăm troh nôkố, lâp tung kong pơlê Dak Nông hiăng ai 11 roh on chếo kong, tâi tâng tơnêi ki tro lŭp vâ chê 9ha.  Tiô Khu xiâm ngăn chiâk deăng ƀă mơnhông thôn pơlê Dak Nông, tung kơxô̆ 250.00 ha kong dêi kong pơlê, nôkố dâng 43.000 ha, ki xiâm cho kong pêt tung kơpong ki xiâm tơ’lêi pro on chếo, tơkŭm a mâu tơring Dak Glong, Cư Jút, Dak Mil, Tuy Đức ƀă Krông Nô.

Hlo ki rơ-iô on chếo kong, Vi ƀan kong pơlê Dak Nông hiăng hnê mơhno mâu tíu pêi cheăng, khu pơkuâ, kơvâ cheăng, Vi ƀan kuăn pơlê mâu tơring, pơlê kong kơdrâm Gia Nghiã, ngế pơkuâ rak ngăn kong ƀă mâu tíu pêi cheăng tơdjâk troh, tơbleăng pêi kơtăng, tơƀrê mâu tơdroăng rak ngăn, rak kong. Pakĭng mê, mơdêk tơdroăng hnê mơhno, mơhnhôk kuăn pơlê veăng rak ngăn kong ƀă hbrâ mơdât on chếo kong.