Xông tơpui a roh hôp, pôa Nguyễn Văn Thể, Kăn pơkuâ hnê ngăn Đảng ủy Khô̆i mâu Kơ koan tơnêi têa ai tối nhên, mâu khu xâ ki kơneăm, pêi pro mâu tơdroăng ki tơtrâ, tí tăng roh ki tơngôu ‘na cheăng kal kí mê tăng hliăng mâu tơdroăng ki vâ plâ ‘nhê Đảng ƀă Tơnêi têa pin.

Tung la ngiâ kố ah, pơtối mơ’no mâu tơdroăng hôp, tơpui tơno ‘na cheăng kal kí kân rơdâ ‘na tơdroăng “Khên tơnôu, khŏm tơplâ, hbrâ, mơdât tơdroăng kâ kơluâ, tơdroăng pro xôi, veăng kum mơjiâng Đảng ƀă Tơnêi têa pin rế hiá rế krúa lĕm, krá rơdêi” dêi pôa Nguyễn Phú Trọng, Kăn xiâm pơkuâ hnê ngăn. Khŏm pêi pro ó rơdêi tung tơplâ, mơdât, tơtrâ ƀă mâu tơdroăng tối tơbleăng ki ‘mêi, ki lu lêa.

Tơdrêng amê, mâu khu pơkuâ hnê ngăn Đảng ối tung Đảng ủy Khô̆i thăm tí tăng seá mơnhên ngăn ‘na tơdroăng rêh kâ ối, pêi cheăng tung pơlê pơla vâ hbrâ tơrŭm cheăng ƀă mâu kơ koan ai tơdjâk troh vâ mơdât mâu ƀai chêh, mâu tơdroăng ki ‘mêi tí tăng mơ’no tơbleăng. mơhno tối, chêh mơ’no, tâ tơbleăng tung Internet, Facebook, Zalo vâ tơplâ tơtrâ Đảng, Tơnêi têa.