Kong pơlê Kon Tum nôkố ai 5 tíu cheăng tơrŭm mâu Grup cheăng kâ, Kŏng ti xiâm, Hngêi arak liăn tê mơdró tơnêi têa ai khu tơrŭm Đảng ƀă 360 ngế đảng viên ôh tá ối tung khu pơkuâ hnê ngăn cheăng Đảng pơlê kong kơdrâm.

Pakĭng mê, a kong pơlê ai 9 tíu cheăng ối tung mâu Grup pơkuâ, Kŏng ti xiâm ai khu tơrŭm Đảng ối tung khu râ kăn pơkuâ hnê ngăn cheăng Đảng pơlê kong krâm ƀă tâi tâng 536 ngế đảng viên. Klêi séa ngăn ăm hlo, mâu đảng ủy ối tung Đảng ủy khu tê mơdró Tơnêi têa hiăng pơkuâ, hnê mơhno mâu khu râ kăn pơkuâ hnê ngăn cheăng Đảng ối tung Đảng ủy khô̆i khu tê mơdró Tơnêi têa hiăng pơkuâ, hnê mơhno mâu khu râ kăn pơkuâ hnê ngăn cheăng Đảng po rơdâ pêi pro lĕm tro tơdroăng tơrŭm ƀă Khu pơkuâ hnê ngăn cheăng Đảng kong pơlê Kon Tum.

Tơrŭm châ tơƀrê tung mơjiâng khu cheăng kal kí - rêh ối pơlê pơla, veăng mâu tơdroăng cheăng dêi pơlê kong kơdrâm tơtro ƀă tơdroăng pêi cheăng dêi khu tê mơdró.

Roh kố, Đảng ủy khu tê mơdró Tơnêi têa diâp 100 toăng hngêi tuăn pâ diâp ăm rơpŏng kơtiê a 2 cheăm ki pá puât cho Mường Hoong ƀă Ngọc Linh dêi tơring Đăk Glei, ƀă tâi tâng kơnâ 6 rơtal liăn.