Tiô pơkâ, kơxo hâi lơ 19/8, kong pơlê Gia Lai pơxiâm pro Tơdroăng tơkêa bro ‘no liăn pro troăng ki vâ ăm tơƀai kơneăng ƀă  hdrâp kơxô̆ 2 ƀă hên tơmeăm khoăng a kơpong kơno, tơraih tơƀai Phù Cát. Tơmeăm mơjiâng pro mê tâi tâng kơxô̆ liăn ‘no lối 3.200 rơtal liăn, pro sap ing hơnăm 2025 troh 2028 vâ rế lĕm rơdâ, ai tiô pơkâ ăm tơƀai kơneăng ƀă hbrâp tro tiô túa nếo nôkố, vâ mơnhông cheăng kâ - rêh ối pơlê pơla tung kơpong.

Xuân tung hâi ki mê, kong pơlê Gia Lai kô leh hiăng pro kêi Troăng ví peăng Hdroh pơlê kân Phú Long (nôkố cho cheăm Tây Sơn) xŏn lối 18km, kơxô̆ liăn ‘no pro vâ chê 800 rơtal liăn, pơxiâm pro a khế 8/2022 nah; leh hiăng pro kêi Troăng ki tơdjêp troăng kân kơxô̆ 638 dêi kong pơlê troh a troăng kân kĭng têa kơxĭ (ĐT.639), xŏn lối 19km, vâ rĕng troh tâ, teăm chơ tơmeăm, mơdêk tơrŭm tung kơpong, mơnhông ôm hyô; pakĭng mê, veăng kring vế hngêi trăng, tơmeăm khoăng dêi kuăn pơlê tung rơnó mêi khía.