Ki nhên, ai 67 ngế hok tro râ mâm non, 155 hok tro râ má môi, 101 hok tro râ má péa ƀă 25 hok tro râ má pái phôh thong kĭ pơtroh mot hriâm a mâu hngêi trung tung bêng Quy Nhơn ƀă mâu bêng ki achê. Mâu hô sơ pơrá châ tơdah ing mâu ƀâng ki xiâm ƀă hiăng châ hô̆i đong chuyên môn hop séa ngăn, môi tuăn vâ pro tơ’lêi hlâu pơtroh mot hngêi trung.

Vâ tơxâng tơdroăng kal vâ, Khu pơkuâ Hnê hriâm ƀă Hnê mơjiâng Gia Lai hiăng tơrŭm ƀă Vi ƀan mâu bêng vêh séa ngăn tâi tâng ivá hngêi trung lâm, tá tơmeăm khoăng, pơ’leăng mâ hok tro ƀă khu thái cô. Pôa Phạm Văn Nam, Kăn pơkuâ Khu pơkuâ hnê hriâm ƀă Hnê mơjiâng kong pơlê Gia Lai, tối ăm ‘nâi, tơdroăng tơdah châ pêi pro thâ, tơniăn hok tro tơniăn hriâm tâp ahdrối mot hơnăm hriâm nếo.