Kơxo lơ 13/1, Khu xiâm ngăn ‘na mơhno túa lĕm tro. Tơ’noăng ivá ƀă ôm hyô  kong pơlê Gia Lai hiăng tơkŭm po klêi leh pơxiâm tơbeăng ƀă khu chêh hlá tơbeăng rơnó Hơngui Quý Mão 2023. Khu chêh hlá tơbeăng rơnó hơngui Qúy Mão 2023 tơbleăng 250 tuá hlá tơbeăng rơnó Hơngui Tíu xiâm, 63 túa hlá tơbeăng rơnó Hơngui dêi mâu hlá tơbeăng tung lâp tơnêi têa ƀă 20 túa hlá tơbeăng chêh dêi mâu kơ koan chêh hlá tơbeăng, ai mâu ngế chêh hlá tơbleăng ai tíu pêi cheăng teăng mâ tung kong pơlê Gia Lai.

Hlá tơbeăng rơnó Hơngui hiăng tơbleăng troh kuăn pơlê tung 900 kơxop hlá mơ-éa chêh in hên iâ, hên ƀai chêh tơkŭm tŭm hiăng pro mơngiơk ki rơhêng vâ ngăn ‘na um kơchuâ chêh xup xo dêi tâi tâng ‘na cheăng kâ, túa lĕm tro - rêh ối pơlê pơla, kring vế tơniăn cheăng lêng tơkăng kong dêi tơnêi têa tung mâu hơnăm hdrối.

Ing po mơđah tơbleăng um tơmeăm, kuăn pơlê mơngế ki ki luât ngăn hiăng hlo tâi tâng tơdroăng, hên troăng ‘na mâu ki mơ-eăm dêi tâi tâng Đảng, tơmâng khât troh kuăn pơlê tơkâ kuâ xơpá pơloăng mơnúa xua tơdroăng tung lâp plâi tơnêi ối xahpá. Ki ó tâ mâu tơdroăng ‘na Pôa Hồ Chí Minh, Kăn xiâm hnê ngăn tơnêi têa ƀă tơdroăng tơrŭm cheăng mơnhông mơdêk tơnêi têa; Mơ-eăm ing tơná, Đảng pêi hên tơdroăng, mơdât mâu ki kâ kơluâ ing xiâm rêi, ‘mâi mơnhông tuăn loi tung kuăn pơlê ƀă hía hé.