Pôa Đoàn Hữu Dũng - Ngế pơkuâ ngăn troăng prôk - Rơxế kơtâu Gia Lai ăm ‘nâi, vâ tơbleăng pro mâu hlá mơ-éa ki tơdjâk troh tơdroăng tơkêa bro, Vi ƀan 2 kong pơlê Gia lai ƀă Bình Định hiăng pêi cheăng ƀă  Tổng kŏng ki rak ngăn liăn a mơ’nui hơnăm 2023.

Mơ’nuiăm hlo, troăng rơhlâ tơbleăng pêi tơdroăng tơkêa pro troăng kân tơdrăng lĕm Plei Ku - Quy Nhơn tiô tơrŭm cheăng ki pá pêi, mê thế tăng ngăn nếo tơdroăng ‘no liăn mơjiâng pro tơmeăm khoăng tơnêi têa. Xua mê, Khu xiâm ngăn troăng prôk Gia Lai hiăng riân ngăn nếo, pâ thế kơju iâ ki xŏn xap 151km chu ối 143km ƀă tah lôi ki thế pro tơdrêng a mâu troăng ki ai kông a troăng kân tơdrăng lĕm. Sap ing mê, kơxô̆ liăn kô kơdroh ing 44.200 rơtal liăn chu ối lối 37.600 rơtal liăn, kơdroh 6.500 rơtal liăn tâng vâ pơchông kơxô̆ liăn riân ahdrối.