A roh tơpui tơno, mâu khu tê mơdró hiăng tối 66 pâ thế ối tung mâu kơvâ: liăn ngân, hngêi arak liăn, tơnêi tơníu, hnoăng mơhá, mơ’no liăn cheăng, logistics, ƀă pro mơ-éa tơnêi têa.

Mâu tơdroăng pơkâ ki má môi mơtiah pơkâ ăm mung  kơjo ƀă khu tê mơdró mơ’no liăn cheăng uâ mơdiê tơmeăm ki krúa lĕm, ăm mung tiô liăn ƀă tơmeăm mơjiâng tung la ngiâ, ăm tê kơtê lơ kơdroh hnoăng mơhá ki kơnâ tơtêk ăm kơphế pơ’leăng ngiêt, tŏng gum mơnhông kơpong pêt, tơniăn ƀă mơdêk kŏng ngê̆ uâ mơdiê...Pôa Phạm Anh Tuấn, Kăn hnê ngăn Viƀan kong Gia Lai tơkêa kô séa ngăn, tơleăng mâu pâ thế dêi khu tê mơdró, tơkêa pêi pro mâu pơkâ ‘na pro tơniăn tíu mơ’no liăn cheăng, pơhlêh nếo tơmiêt, pơhlêh xúa kŏng ngê̆, tŏng gum khu tê mơdró kŭn ƀă krâ kơvâ. Pakĭng mê, Gia Lai kô kơjo xing xoăng kơxô̆ liăn mơhnhôk mơ’no liăn cheăng tơnêi têa, khoa hok – kŏng ngê̆, mơhnhôk mơ’no liăn cheăng tê mơdró, tah lôi tíu ki kreăng hngêi trăng troăng klông, mơjiâng kơpong hngêi kơmăi kơmok, kơpong hngêi kơmăi kơmok ƀă tơniăn pro on tơhrik tơniăn; thăm hnê mơjiâng mơngế pêi cheăng ƀă tơdroăng ai khât nôkố tung pêt mơjiâng, mơdêk tơdjêp khu tê mơdró – hngêi trung.