Vi ƀan hnê ngăn kong pơlê Dak Lak mơnhên tối, hnoăng cheăng ki châ hlo, plâ mơdât, pơxâu phâk mâu ngế ki pro xôi luât kong ối mơhno hên tơdroăng ki tá hâi tơƀrê. Tơdroăng ki kếo ko, roê tê, pơto chơ loăng ôh tá tro luât, hdi xo tơnêi kong ƀă vêh hdi xo nếo tơnêi kong xuân ối hlo hên hĭn ôh tá tơniăn.

Tơdroăng ki kuăn pơlê lăm ối hmâng vâ xua ko ‘nhiê kong, hdi xo tơnêi kong ối cho tơdroăng ki xiâm a mâu tơring. Tơƀrê dêi tơdroăng hnê, hbrâ mơdât dêi luât ‘na rak vế kong ki hên ôh tá hlo tơƀrê a hên tơring. Tung pơla mê, hên ngế ki pơkuâ kong ối ôh tá vâ hmâng tung tơdroăng ki rak ngăn. Hên khu pơkuâ ngăn kong ôh tá ai ivá rak vế kong drêng khu ki pêi dêi hnoăng cheăng rak ngăn lo pơtê hên hĭn.