Tơbleăng hnê mơhno a hneăng hôp, pôa Trần Cẩm Tú Ngế cheăng hnê ngăn Đảng khĕn kơdeăn mâu hnoăng pêi, tơdroăng pêi pro tâi tâng ki Đảng ƀô̆ ƀă Ƀơrô Tíu xiâm Đảng hiăng châ pêi pro tung hneăng hdrối kố nah, ki tơƀrê cho pơkuâ, hnê mơhno pêi klêi tơdroăng cheăng tăng ‘nâi plĕng, pêi cheăng ăm Khu kăn xiâm Đảng, ki pêi cheăng mê cho Khu xiâm Kal kí, Kăn hnê ngăn, Ngế cheăng kum Kăn hnê ngăn tung tơdroăng cheăng hnê mơhno pêi tiô Pơkâ, hnê mơhno dêi Đảng, Tơdroăng pêi cheăng, tơleăng mơnhên mâu tơdroăng cheăng pêi rêm hâi dêi Đảng ƀă mâu tơdroăng kal pêi tơdrêng, nếo ai; tơrŭm pêi tơtro dêi mâu kơ koan tăng ‘nâi pleăng ăm Tíu xiâm Đảng; tăng ‘nâi plĕng ƀă tối nhên ăm hneăng hôp 13, hlối hbrâ hneăng hôp má 14 dêi Đảng.

Pôa Trần Cẩm Tú pơkâ thế, Đảng ƀô̆ mơdêk rĕng tâ nếo tơdroăng pơ’lêh kơxô̆ ƀă ‘mâi hơ’lêh tơdroăng cheăng tung mâu kơ koan Đảng; mơnhông tơƀrê xúa kŏng ngê̆ thong tin pêi cheăng  hnê ngăn, hnê mơhno, hlối tơniăn pơkí mâu tơdroăng, tơdroăng dêi Đảng ki chêh ‘măn tung kơmăi. Tơdrêng amê, xuân kal mơdêk mơjiâng Đảng ƀô̆ tơrŭm, môi tuăn, pêi cheăng lĕm tro, rơdêi tâi tâng ‘na tơdroăng kal kí, tuăn mơno vâ, tơkŭm po ƀă tuăn mơno; mơdêk ivá pêi cheăng rơkê dêi mâu kăn, ivá tơplâ dêi khu tơrŭm cheăng Đảng.