Ƀă túa pơkâ: Tơrŭm – Tơniăn – Kơtăng – Tơƀrê – Mơnhông, hơnăm 2025 – 2030 Hneăng hôp mơ’no tơdroăng pơkâ pêi, cho: Mơjiâng Đảng ƀô̆ Học viện krúa lĕm, krá rơdêi tŭm têk, tơrŭm, djâ troăng ahdrối, tơniăn krê, kơtăng, tơƀrê, mơnhông, pêi klêi rơkê mâu hnoăng cheăng troh hơnăm 2030; kăn pơkuâ mơnhông Học viện chiâng ngế ki djâ troăng ahdrối ‘na hnê cheăng, hnê tơ’nôm ăm mâu kăn ƀô̆, tíu xiâm tơnêi têa ‘na hriăn plĕng chuh ngiah Mác – Lênin ƀă hiâm mơno Hồ Chí Minh.

Vâ Đảng ƀô̆ Học viện pơkuâ pêi pro klêi mâu hnoăng cheăng tung hneăng cheăng la ngiâ, pôa Trần Cẩm Tú, kăn pơkuâ ngăn Đảng ủi mâu kơ koan Đảng Tơnêi têa pơkâ thế: Pơtối tơtrŏng mơjiâng Đảng ƀô̆ Học viện athế krúa kĕm, krá rơdêi, cho Đảng ƀô̆ kơhnâ rơkê, tiô túa pơkâ tung Đảng ƀô̆ mâu kơ koan Đảng Tơnêi têa; Rak ngăn mơjiâng mâu kăn ƀô̆, đảng viên, giảng viên athế djâ troăng ahdrối ‘na mâu kơvâ cheăng, rơkê ‘na lĭ luâ̆n, trâu ‘na tơdroăng cheăng, tro ƀă tơdroăng ki ai khât, ai ivá pêi cheăng tung rôh mot tơrŭm cheăng ƀă lâp plâi tơnêi.