Hơnăm 2023, khu hnê mơhno 389 mâu khu xiâm, kơvâ cheăng, kong pơlê hiăng châ hlo, pơxâu phâk teăm tơdrêng hên roh xôi, roh tơdroăng, mâu khu tê mơdró liu, lu lêa tung tê mơdró ƀă tơmeăm ôh tá xê khât, kum tơniăn gâk kring kal kí, tơniăn lâp pơlê pơla, tơniăn kơchơ mơdró.

Mâu tíu cheăng, kong pơlê châ hlo, rup, pơxâu phâk 146 rơpâu 600 roh ngế xôi, tâk 5% tâng pơchông ƀă roh kố hơnăm nah. Kơxô̆ liăn nâp a hnôu liăn tơnêi têa lối 14.800 rơtal liăn, tâk 17% tâng pơchông ƀă roh kố hơnăm hdrối, xăm tối 616 roh tơdroăng ƀă 724 ngế.

Mâu rơkong tơpui a hneăng hôp tối nhên, tơdroăng tê tơmeăm rôe ing kong têa ê ôh tá tro luât, tơmeăm ki ôh tá xê khât ai hên, pro pơxúa măng pơlê pơla ƀă châ mot tung mâu troăng pơto tơmeăm.