Tung pái khế apoăng hơnăm lâp tơnêi têa hiăng ai 2 rơpâu 346 hdroh tơklâm rơxế, pro lối 1 rơpâu 400 ngế hlâ, lối 1 rơpâu 500 ngế tro rong; tâng vâ pơchông ƀă hơnăm nah, tơklâm rơxế drô troăng prôk kơdroh 3 tơdroăng pơkâ ‘na kơxô̆ rôh, kơxô̆ mơngế hlâ ƀă kơxô̆ mơngế tro rong. Ai 14 to kong pơlê kơdroh kơpêng 40% kơxô̆ mơngế hlâ, mê cho: Đà Nẵng, Dak Nông, Long An, Cần Thơ, Thái Nguyên, Phú Thọ, Bắc Giang, Điện Biên, Lai Châu…

Laga ối 16 to kong pơlê ai kơxô̆ mơngế hlâ xua tơklâm rơxế drô troăng tâk tâng vâ pơchông ƀă hơnăm nah. Tối mơgêi a hneăng hôp, pôa Trần Lưu Quang pơkâ thế, tung la ngiâ ah, pakĭng tơmâng dêi mâu khu xiâm, kơvâ cheăng, kong pơlê thế mơdêk tâ nếo tơdroăng hnê tối vâ mơngế ki prôk troăng hlê nhên ƀă vâ rak tơniăn drêng prôk drô troăng.