Hneăng hôp rôh má 24 Vi ƀan tơrŭm Chin phuh Việt Nam – Rusi
Thứ sáu, 11:05, 07/04/2023
Tơplôu: Nga/VOV
Tơplôu: Nga/VOV
VOV4.Xơ Đăng - Hâi lơ 6/4, a Tíu pêi cheăng Chin phuh, pôa Trần Hồng Hà, Ngế pro xiâm phŏ hnê ngăn Chin phuh prếi pôa Dmitry Chernyshenko (Đơ-mi-tơ-ri Che-rơ-nưi-sen-cô), Ngế pro xiâm phŏ hnê ngăn Chin phuh Rusi hiăng pơkuâ po Hneăng hôp rôh má 24 Vi ƀan tơrŭm Chin phuh Việt Nam – Rusi ‘na tơrŭm cheăng kâ – tê mơdró ƀă khoa hok – kih thuât
A hneăng hôp kố, péa pâ hiăng rơtế dêi rơpó séa ngăn, chêh tơkŭm mơgêi tơdroăng tơbleăng Hlá mơéa Hneăng hôp rôh má 23, tơdrêng a mê hlối pơkâ mơ’no, tơpui tơno ƀă môi tuăn mâu troăng hơlâ mơdêk tơrŭm cheăng pơla péa pâ tung kơvâ cheăng kâ tê mơdró, ‘no liăn cheăng, khoa hok kih thuât, mơhno túa lĕm tro, ôm hyô, xuân môi tiah teăm tŏng kum mâu tơdroăng ki tơvâ tơvân tung mâu tơdroăng tơkêa tơrŭm cheăng.
Mơgêi Hneăng hôp, Péa ngế kăn pơkuâ hiăng kĭ tơkêa hlá mơéa Hneăng hôp rôh má 24 Vi ƀan tơrŭm Chin phuh Việt Nam – Rusi ‘na tơrŭm cheăng kâ tê mơdró ƀă khoa hok kih thuât ƀă môi tuăn Hneăng hôp ki pơtối kô châ po a Rusi a hơnăm 2024, châ hlo kĭ tơkêa mâu tơdroăng tơkêa tơrŭm cheăng tung kơvâ khoa hok, kong ngê̆ rơxông nếo.
Viết bình luận