Kơxêi hâi lơ 7/4, a Hà Nội, Vi ƀan Măt trâ̆n tơnêi têa Việt Nam ƀă Vi ƀan ngăn Kuăn ngo tơkŭm po Hôp tơbleăng pơkâ tơrŭm cheăng hơnăm 2023. Pô Đỗ Văn Chiến, Kăn hnê ngăn Tíu xiâm Đảng, Kăn hnê ngăn Vi ƀan xiâm Măt trâ̆n tơnêi têa Việt Nam pơkuâ hneăng hôp. Pêi pro tơdroăng tơrŭm cheăng péa pâ hbrâ hnê tối ăm kuăn pơlê, hnê ăm mâu hdroâng kuăn ngo mâu troăng rơhâ, Pơkâ dêi Đảng, luât dêi tơnêi têa ‘na tơdroăng cheăng ngăn kuăn ngo, luât pơkâ tŏng kum kuăn ngo ƀă môi tuăn hhdroâng kuăn ngo.

Pakĭng mê, tơkŭm pêi tơdroăng hnê tối ăm mâu hdroâng kuăn ngo mơ-eăm veăng pêi mâu tơdroăng pơkâ dêi tơnêi têa. Tơbleăng hnê mơhno hneăng hôp, pôa Đỗ Văn Chiến, Kăn xiâm hnê ngăn Vi ƀan xiâm Măt trâ̆n tơnêi têa Việt Nam khê̆n kơdeăn tơdroăng cheăng tơrŭm dêi péa pâ veăng ‘no hnoăng pro pơxúa tung mơjiâng luât; pơkâ thế tung la ngiâ tơrŭm tơbleăng pêi ai pơxúa mâu tơdroăng luât pơkâ tŏng kum, tơdroăng tơkêa mơnhông mơdêk kơpong kuăn ngo, malối tơdroăng pơkâ dêi tơnêi têa mơnhông cheăng kâ - rêh ối kơpong hdroâng kuăn ngo, kong ngo pơla hơnăm 2021-2030.