Kô cho tơdroăng pêi pro ai pơxúa tung tơdroăng vâ troh Hơngui pleăng hnoăng cheăng - Têt hơ ui kum dêi mâu hơnăm ối nếo Dak Lak pêi pro mâu tơdroăng troh mơngế kơtiê ƀă mâu ngế ki pá puât tung rôh Têt hơnăm nếo Giáp Thìn. A tơdroăng mê, khu tơkŭm po hiăng diâp 500 kơxu tơmeăm rêm kơxu kơnâ 300 rơpâu liăn, ‘măn ăm mâu kuăn pơlê ki kơtiê xơpá.

Mâu ngế chó chêng, tơvê kŏng, plôm mâ, mâu hơnăm hiăng krâ ôh tá ai ngế păn roăng chĕm mơ’rêh a pơlê kong kơdrâm Ƀuôn Ma Thuột. Tơdroăng pêi pro Hơngui tŏng kum - Têt xua hơnăm ối nếo Dak Lak tơbleăng tung lâp kong pơlê. Ing mê, rơtế ƀă mâu ngế xua mâu tơring, pơlê kong krâm, pơlê kong kơdrâm dêi Đoân mơhnhôk, Khu pơkuâ ngăn Đoân xuân mơhnhôk lối 1,2 rơtal liăn ƀă tơrŭm ƀă mâu tíu pêi cheăng tơkŭm po tơdroăng pleăng hnoăng tơná a mâu pơlê, Tíu xiâm tŏng kum pơlê pơla ƀă lăm pôu, hbru tơmeăm mâu droh rơtăm kŏng nhân ki pêi cheăng tung kơmăng tâi hơnăm ton vâ lo hơnăm nếo. Kố cho mâu tơdroăng pêi pro ai pơxúa troh mâu ngế ki pá puât vâ kum vâi châ tơdah Têt hơnăm nếo sôk ro tâ.