Hneăng hôp tơpui tơno vâ mơnhên, pro inhên hnoăng ƀă mâu tơdroăng veăng kum dêi khu lêng ƀă kuăn pơlê lâp tơnêi têa, dêi kuăn pơlê mâu hdroâng kuăn ngo Tây Bắc, tơdrêng amê cho khu lêng ƀă kuăn pơlê kong pơlê Điện Biên. Kố xuân cho roh vâ mâu ngế cheăng khoa hok, ngế hriăn plĕng mơnhên, pro mơnhên râ ki kân, ki kơnâ tơdroăng mơnhông, xiâm rêi ƀlêi trâng; pơtối pêi mâu túa ki rơkê tơtro tung tơdroăng mơjiâng ƀă gak kring Tơnêi têa nôkố.  

Khu tơkŭm po hiăng rah chêh tơdroăng ki xiâm hôp tơpui tơno cho ai 104 ƀai tham luâ̆n, Hôp tơpui tơno ai dâng 500 kăn teăng mâ, ai tơdroăng ki veăng dêi mâu kăn xiâm pơkuâ Đảng, Tơnêi têa, Kuô̆k hô̆i. Ki rơhêng vâ tối, veăng hôp tơpui tơno ai 3 ngế ki châ hlo tơdroăng mơnhông ton nah – cho mâu ngế ki veăng tơplâ a Điên Biên Phủ.