Hôp tơpui tơno rôh má 18 po tung pơla tơdroăng tơrŭm pơla péa Đảng, péa tơnêi pơtối mơnhông mơdêk tơniăn, pê klêi hên tơdroăng cheăng; péa tơnêi têa nếo klêi tơbâ 15 hơnăm mơjiâng tơrŭm cheăng tung tŭm tơdroăng. A rôh hôp, péa Ngế xiâm pơkuâ khu kăn tối ki pơxúa ki kal dêi tơdroăng mơdêk tơpui tơno pơla  péa Đảng tung tơdroăng nếo nôkố, tối tiah kố cho rôh vâ péa pâ rơtế ƀă dêi rơpó tơpui tơno tối mâu tơdroăng hiăng châ pêi pro dêi péa Đảng tung hnoăng cheăng pơkuâ ƀă tơkŭm pêi tiô troăng rơhlâ, luât pơkâ kring tơniăn hyôh kong prâi, tơniăn nhâ loăng têa, malối tung tơdroăng mơnhông mơdêk tơnêi têa.

Hôp tơpui tơno xuân tối hên tơdroăng tơrrŭm cheăng tung tŭm tơdroăng pơla Việt Nam - Sinuâ. Tung rôh hôp, mâu kăn péa pâ hiăng tơpui tơdroăng cheăng ƀă túa pêi cheăng dêi péa pâ, tơpui hên trâu, tối ‘na mâu túa pêi cheăng châ tơƀrê xuân môi tiah mâu tơdroăng ki u ối, ki xơpá tung kring vế hyôh kng prâi nhâ loăng têa.