A rôh hôp kố, Tơnêi têa tơkŭm tơpui mơgêi Pơkâ 18 dêi Khu pơkuâ ngăn Đảng hneăng 12 ƀă mâu trơdroăng ki pơtối pơhlêh nếo xing xoăng khu tơrŭm cheăng tơnêi têa dêi khu pơkuâ tơdroăng kal kí ‘nâng ‘nâi pêi cheăng tơƀrê; ‘na ki vêh pơxiâm po tơdroăng On tơhrik trếo tik nik Việt Nam ƀă pơtối hriăn ngăn Tơdroăng tơkêa pro on tơhrik trếo tik nik Ninh Thuận, ‘na séa ngăn pơxâu phâk đảng viên ki pro xôi luât ƀă séa ngăn vâ mâu kăn pơtê Ngế cheăng tung Tíu xiâm Đảng hneăng 13 ƀă tơbleăng séa ngăn tâi tâng mâu kăn pơkuâ kơ koan Tơnêi têa.

Tơpui hnê mơhno a rôh hôp pôa Tô Lâm, Kăn xiâm pơkuâ hnê ngăn Đảng tối 2 tơdroăng vâ Tíu xiâm séa ngăn tơpui tơno ƀă pơkâ, mê cho troăng mơgêi tŭm têk Pơkâ kơxô̆ 18 ƀă pơtối xing xoăng, pêi pro klêi khu tơrŭm kơ koan cheăng dêi khu pơkuâ tơdroăng kal ‘nâng ‘nâi, pêi cheăng tơƀrê, malối cho a râ Tơnêi têa.

Tối nhên tơdroăng ki pro ‘nâng ‘nâi khu tơrŭm kơ koan dêi khu pơkuâ tơdroăng kal kí hiăng châ tối tung hên hneăng ƀă khŏm pêi pro kơtăng tơdroăng ki pơhlêh nếo.