Klêi kơ’nâi troh pơlê kong kơdrâm Điện Biên Phủ, jâ Trương Thị Mai rơtế khu râ kăn hiăng troh krâ kơƀâng ƀă diâp hngêi Rŭm môi tuăn ăm rơpŏng pôa Lò Văn Minh, ối a pơlê Co Pục, cheăm Hua Thanh, tơring Điện Biên. Kố cho rơpŏng kơtiê, ai tơdroăng rêh ối pá puât, châ tŏng kum 50 rơtuh liăn pro hngêi rŭm môi tuăn.
Klăng roh kố, jâ Trương Thị Mai rơtế ƀă khu râ kăn pêi cheăng hiăng diâp 8 hnoăng kơxuô tơmeăm ăm mâu rơpŏng kơtiê a cheăm Hua Thanh, tơring Điện Biên. Xuân tung kơxê hnah, jâ Trương Thị Mai rơtế khu râ kăn pêi cheăng ƀă khu râ kăn pơkuâ kong pơlê Điện Biên hiăng lăm séa ngăn tơdroăng hbrâ ăm mâu tơdroăng leh tơbâ 70 hơnăm ƀlêi trâng Điện Biên Phủ a Đồi A1, Plông kơtú ƀalong kong pơlê Điện Biên ƀă mâu troăng kân kum ăm leh prôk pơtăng mâu lêng tung leh tơbâ la ngiâ.
Viết bình luận