Tung mâu tơdroăng cheăng pêi ahdrối dêi hneăng lăm pôu, Khu kăn hiăng tơpui ƀă pôa Aso Taro, Kăn xiâm phŏ hnê ngăn Đảng Dân chủ Tự do ki pơkuâ, pôa Motegi Toshimitsu, Ngế chêh tôm xo rơkong Đảng Dân chủ Tự do; tơdah Ngế pơkuâ kong pơlê Wakayama cho pôa Shuhei Kishimoto; trâm mâu kăn ƀô̆, đảng viên dêi Đảng ƀộ ƀă Kăn teăng mâ Việt Nam a Nhuk. 

Khĕn kơdeăn tơdroăng mơnhông mơdêk, tâi tâng, ki khât pơla péa tơnêi têa kơ’nâi 50 hơnăm mơjiâng tơrŭm tơpui kâ, jâ Trương Thị Mai tối Việt Nam môi tuăn nhoăm tơrŭm cheăng tung tŭm tơdroăng ƀă Nhuk; hbrâ vâ tơrŭm ƀă Chin phuh, Đảng Dân chủ Tự do ƀă mâu khu xiâm đảng, kong pơlê dêi Nhuk mơnhông tơrŭm cheăng pơla péa tơnêi têa mơnhông rơdêi trâu rơdâ, tŭm tơdroăng, tơxâng ƀă tơdroăng cheăng, kơlo cheăng ki nếo tung tơrŭm cheăng pơla péa pâ.