Tơbleăng a rôh pêi cheăng, pôa Lê Thành Đô, Kăn hnê ngăn Vi ƀan kuăn pơlê kong pơlê Điện Biên ăm ‘nâi, kong pơlê dế tơkŭm tơbleăng pêi 18 tơdroăng tơkêa bro ‘mâi rơnêu kơphô̆ vâ troh tơbâ 70 hơnăm Plâ ƀlêi trâng Điện Biên Phủ.

Troh nôkố, ai 5 tơdroăng  tơkêa bro hiăng  pêi, tiô tối kô pê klêi hdrối hâi lơ 10/4/2024; Krê tơdroăng tơkêa bro Hngêi ăm tơmối ối pơtê dêi kong pơlê hiăng pro klêi sap 80% tơdroăng cheăng tơngi klêng, tiô tối kô pê klêi tâi tâng ƀă mơni tung tơdế khế 4 ah kô hiăng klêi châ tơdah tơmối, mâu kăn ƀă tơmối troh ôm hyô tung rôh tơbâ 70 hơnăm plâ ƀlêi trâng Điện Biên Phủ.

Tơbleăng a rôh pêi cheăng, pakĭng mâu tơdroăng mơ-eăm dêi kong pơlê Điện Biên tung tơdroăng cheăng hbrâ vâ tơdah pơxúa tung rôh leh tơbâ, jâ Trương Thị Mai xuân pơkâ thế mâu kơ koan tăng ‘nâi plĕng thế chêh hdrối hlá mơ-éa tơdjuôm dêi tơdroăng vâ po leh tơbâ chêh nhên tro, klêi tŭm tơdroăng.