Tối mơgêi a Hneăng hôp, jâ Trương Thị Mai khĕn kơdeăn mâu khu cheăng Đảng, Đảng đoân, khu kăn hnê ngăn Đảng, mâu Đảng ủy dêi râ xiâm tơnêi têa tung hơnăm 2023 hiăng kơhnâ, hbrâ pêi mâu tơdroăng tơkêa, tối tơbleăng châ xing xoăng tơdroăng cheăng pêi dêi khu xiâm kal kí, Kăn pơkuâ hnê ngăn Đảng, ki tơƀrê mâu  tơdroăng tơkêa bro, tối tơbleăng ai tiô tơdroăng púi vâ.

Hơnăm 2024, pơtối rak vế tơdroăng hiăng châ pêi rơhéa, tơkâ luâ mâu tơdroăng xơpá, tơvâ tơvân, Kăn hnê ngăn Đảng pơkâ thế mâu kơ koan ki tơdjâk troh kal tơrŭm tro tâ nếo mâu tơdroăng tung pêi pro, pơkâ tơkŭm pêi mâu tơdroăng tơkêa bro, tối tơbleăng  châ xoăng cheăng; mâu tơdrăng tơkêa bro ki pá, tơvâ tơvân, ki ôh ta kho hiăng u ối ing mâu hơnăm hdrối kal tơkŭm châ tŏng kum mơnhên klêi tiô tơdroăng pơkâ.