Jâ Trương Thị Mai tối nhên mâu troăng vâ pêi, tơdroăng pêi ki kân vâ po rơdâ mơdêk tơƀrê tung tơrŭm cheăng po rơdâ ƀă mơdêk tơƀrê tơrŭm cheăng pơla péa tơnêi têa tung mâu kơvâ cheăng, môi tiah kơmăi kơmok pro ki kố mê, loăng kong krá tơniăn, pơ’lêh ngiât vâ mơnhông tơrŭm cheăng kâ, tê mơdró, ‘no liăn cheăng.

Pakĭng mê, xuân tối nhên ki kal mơdêk tơpui tơno tơrá mâu kăn xiâm, tơrŭm tung mâu khu đảng, Kuô̆k hô̆i pơla mâu khu xiâm, kơvâ cheăng ƀă trâm tơpui tơno ƀă kuăn pơlê. Kăn xiâm hnê ngăn Kuô̆k hô̆i  Phần Lan tối péa tơnêi têa ai hên tơmeăm khoăng ai hlâu tung tơrŭm cheăng ki Phần Lan ai ƀă Việt Nam kal vâ, Việt Nam cho tíu ki hên khu mơdró Phần Lan  rơhêng troh ‘no liăn cheăng; péa tơnêi têa thế mơ-eăm mơdêk, pro tơ’lêi hlâu rơdêi ‘na tơrŭm cheăng tung tŭm tơdroăng  cheăng.