A roh trâm mâ, Kăn pơkuâ hnê ngăn cheăng Đảng rơkâu mâu tơdroăng châ tơƀrê mơnhông ki kal tung mâu tơdroăng ki kong têa Nhuk hiăng châ tung pơla kố nah; tơdrêng amê, tối ‘na mâu tơdroăng châ tơƀrê mơnhông cheăng kâ – rêh ối pơlê pơla, tơpui kâ ƀă kong têa ê dêi Việt Nam sap apoăng Hneăng hôp má XIII dêi Đảng troh nôkố.

‘Na troăng tơrŭm cheăng tung la ngiâ, péa pâ môi tuăn pơtối thăm loi tơngah kal kí ƀă hlê plĕng dêi pó ing rak đi đo trâm mâ pơla khu râ kăn xiâm ƀă mâu khu râ; mơnhông châ tơƀrê mâu troăng tơrŭm cheăng ƀă tơpui tơno pơla péa pâ tung mâu ƀâng Đảng, Chin phuh, Kuô̆k hô̆i, khu tơrŭm kuăn pơlê ƀă pơla mâu kong pơlê ki ai tơmeăm mơnhông dêi péa tơnêi têa; thăm mơdêk tơrŭm cheăng kâ – tê mơdró, mơ’no liăn cheăng ƀă mâu kơvâ cheăng ki ê tơxâng ƀă tơmeăm ki ai ƀă tơdroăng kal vâ mơnhông dêi rêm tơnêi têa.