Hlá tơbeăng Nhân Dân mơ’nui măng tĭng (Inâi apoăng cho Nhân Dân chủ nhật) cho hlá tơbeăng mơ’nui măng tĭng apoăng dêi hlá tơbeăng Kăch măng Việt Nam. Tung 35 hơnăm hdrối, hlá tơbeăng đi đo mơ-eăm ƀă pêi pro tiô tơdroăng pơkâ dêi môi hlá tơbeăng Đảng hrá prôk ƀă tơdroăng ki rơkê ƀĕng ƀeăn ‘mâi rơnêu, hơ’lêh túa mơ’no tối tung um tơvi, rơ’jíu vâ ôh tá la lâi pơtê tơdroăng ki pêi pro klêi troăng pơkâ mơnhông, pro chiâng khôi túa lĕm tro, tối nhên ivá khên tơnôu rơtế tơmiât prôk tro, tơƀrê ƀă hên ki ê.

Tơmâng xo ƀă khĕn kơdeăn klêi kơ’nâi hiăng pêi cheăng châ 35 hơnăm hdrối dêi Hlá Tơbeăng Nhân Dân mơ’nui măng tĭng, jâ Trương Thị Mai pơkâ thế tung la ngiâ, ƀă tíu pêi cheăng ki kal dêi tơná, Hlá tơbeăng Nhân dân kal pơtối mơ-eăm pôi tá la lâi pơtê djâ troăng ahdrối tung hnoăng cheăng hnê tối troăng hơlâ pơkâ dêi Đảng, tối ‘na mâu tơdroăng ki ai, pơxiâm mơnhông hiâm mơno pâ nhuô̆m tơnêi têa, ivá tơrŭm, veăng kum mơjiâng tơnêi têa kro mơdrŏng hơniâp ro, mơdêk um méa tíu ối Việt Nam a kong têa ê.