Tơpui a rôh trâm mâ, jâ Võ Thị Ánh Xuân - kăn xiâm phŏ hnê ngăn tơnêi têa tối nhên, hvái ngăn ing ton nah cho rôh mơjiâng tơnêi têa ƀă rak vế tơnêi têa dêi hdroâng mơngế Việt Nam, đi đo ai tơdroăng ki hlâ rêh, pleăng hnoăng kân kĭn dêi mâu rơxông vâi kơdrâi rơtế ƀă dêi rơpó tơrŭm, tơdjuôm ivá veăng kum ivá mơjiâng ƀă rak vế tơnêi têa. Tung mâu hơnăm hdrối, Tơnêi têa Việt Nam ôh tá la lâi pơtê pêi pro klêi ƀă pêi pro tơƀrê mâu troăng hơlâ tŏng kum vâ rak vế hnoăng dêi vâi kơdrâi, mơdêk pro tơdâng tơ’mô pơla kơdrâi ƀă kơnốu ƀă tơdroăng ki pơhlêh rơkê dêi vâi kơdrâi.

Nôkố, a Việt Nam, vâi kơdrâi cha lối tơdế pơ’leăng mâ mơngế tung lâp tơnêi têa ƀă dế pơtối rak vế hnoăng cheăng ki kal tung mơjiâng ƀă hơ’lêh nếo. Xuân a rôh po tơdroăng, Kăn xiâm phŏ hnê ngăn tơnêi têa tối mơnê ƀă tơngah, mâu vâi kơdrâi cho kăn teăng mâ, ngế xiâm pơkuâ teăng mâ mâu khu tơrŭm kong têa ê kô pơtối rơtế prôk, tơrŭm cheăng, tŏng kum Việt Nam pêi pro ƀlêi chiâng hnoăng cheăng hơ’lêh nếo ƀă mot tơrŭm ƀă lâp plâi tơnêi, tung mê ai mâu tơdroăng pơkâ vâ pêi ‘na tơdâng tơ’mô pơla kơnốu ƀă kơdrâi ƀă diâp hnoăng ăm vâi kơdrâi.