Kơpong tơ’noăng mâu kong pơlê kơpong Tây Nguyên ƀă kơpong kĭng têa kơxĭ Tơdế tơnêi têa ai 10 to kong pơlê, mê cho: Gia Lai, Kon Tum, Dak Lắk, Dak Nông, Lâm Đồng, Quảng Nam, Quảng Ngãi, Bình Định, Phú Yên, Khánh Hòa ai tơnêi kân rơdâ lối 87.180 km2 (châ 26,3% tơnêi tung lâp tơnêi têa).

Tung hơnăm hdrối, mâu kong pơlê tung kơpong tơ’noăng mâu kong pơlê kơpong Tây Nguyên ƀă kơpong kĭng têa kơxĭ Tơdế tơnêi têa pêi tro mâu tơdroăng mơhnhôk tơ’noăng, mê cho: Mơdêk tơbleăng mơjiâng tơmeăm khoăng tơdâng tơ’mô, tiô túa ki nếo, ‘nâi pêi kơdĭng mơdât mơ’nhiê tơmeăm.

Ing tơdroăng mơhnhôk tơ’noăng “Lâp tơnêi têa rơtế tơdjuôm ivá mơjiâng thôn pơlê nếo” pơla hơnăm 2021-2025, ngiâ méa thôn pơlê tung mâu kong pơlê ki kơpong tơ’noăng chôa pơ’lêh, mâu tơmeăm khoăng troăng prôk châ ‘mâi rơnêu, mơjiâng pro; tơdroăng rêh ối tơmeăm khoăng, tuăn ngôa dêi kuăn pơlê châ pơ’lêh. Tơbleăng a rôh Hôp, jâ Võ Thị Ánh Xuân, Kăn xiâm hnê ngăn tơnêi têa ki pơtân khĕn kơdeăn mâu tơdroăng tơ’noăng khĕn kơdeăn dêi mâu kong pơlê kơpong tơ’noăng mâu kong pơlê kơpong Tây Nguyên ƀă kơpong kĭng têa kơxĭ tơdé tơnêi têa.

Jâ Võ Thị Ánh Xuân pơkâ thế mâu kong pơlê pơtối pêi tro mâu tơdroăng tơ’noăng khĕn kơdeăn thế achê tơtro ƀă tơdroăng ki ai khât, ki ai pêi pro tung rêh ối ƀă chiâng tơdroăng mơhnhôk mơnhông tơnêi têa.